အမေရိကန် သမတ၏ မိုးပျံ ရုံးခန်း
၊ Air Force One.
“Standby….Liberty 2–4 is changing call signs, Liberty 2–4 is now Air Force One”
၁၉၉၇ က မင်းသားကြီး ဟယ်ရီစင်ဖို့ဒ် သရုပ်ဆောင်တဲ့ Air Force One ရုပ်ရှင်ထဲက ဇာတ်ဝင် စကားတခုပါ။
လစ်ဘာတီ ၂၄ ဆိုတဲ့ ဆီဖြည့် လေယာဉ်ကြီးက သမတကြီးကို ကယ်တင်ပြီးနောက်
သူ့လေယာဉ်ကြီးက သမတစီးတဲ့ လေယာဉ်ဖြစ်သွားလို့ ဆက်သွယ်ရေး သင်္ကေတ ကို Liberty 2–4 ကနေ Air Force One” လို့ပြောင်းလိုက်တာပါ
Air Force One ဆိုတာဘာလဲ
လက်ရှိ အမေရိကန်သမတ ရှိနေတဲ့
လေယာဉ်ကို Air Force One, ရဟတ်ယာဉ်ကို Marine One
လို့ခေါ်တာကိုတော့ အများသိကြပါတယ်။
Air Force One ရုပ်ရှင်ကလည်းနာမည်ကြီးခဲ့တာကိုး။
လက်ရှိ Air Force One (လေတပ်အခေါ် VC-25A) အနေနဲ့ အသုံးတော်ခံရတဲ့ လေယာဉ်ကြီးက၊ ချွတ်စွတ်တူတဲ့ အမွှာ ဘိုးအင်း 747-200B
လေယာဉ်ကြီး ၂စီး၊ မှတ်ပုံတင် အမှတ် SAM 28000 နဲ့
SAM 29000 အထဲက သမတစီးတဲ့ တစီးစီးကိုခေါ်တာပါ။
လေယာဉ်ကို သမတမစီးသေးသရွေ့ Air Force One မဖြစ်ပါဘူး။
အခုနောက်ပိုင်း အမေရိကန်လေတပ်က
အမေရိကန်နိုင်ငံရဲ့ စစ်ဦးစီးချုပ် Commander-in-Chief (
သမတ) စီးတဲ့ အထူး လေယာဉ် (မိုးပျံ အမိန့်ပေးစခန်း) ကို Air
Force One လို့ ခေါ်တယ်ဆိုပါတယ်။
မိုးပျံအမိန့်ပေးစခန်း (mobile command center)
2001 ခု စက်တင်ဘာ ၁၁
ရက်နေ့ကမ္ဘာ့ကုန်သွယ်ရေးအဆောက်အဦနဲ့ပင်တာဂွန် စစ်ဌာနချုပ်တို့ကို အပိုင်စီးထားတဲ့
လေယာဉ်တွေနဲ့ တိုက်ခိုက်ခံရချိန်မှာ အကြမ်းဖက်သမားတွေက ဝါရှင်တန်ရှိ
သမတအိမ်ဖြူကိုလည်း အဲလို တိုက်ခိုက်ဖို့ ယူနိုက်တက် ဖလိုက် ၉၃ လေယာဉ်ကို
အပိုင်စီးပြီးသွားခဲ့တာပါ။ လေယာဉ်ပေါ်ပါခရီးသည်တွေနဲ့ ဝန်ထမ်းတွေက
အခြားအပိုင်စီးခံလေယာဉ်တွေကိုသုံပြီး အကြမ်းဖက်တိုက်ခိုက်တဲ့သတင်းကို ဖုန်းအဆက်အသွယ်တွေကနေသိသွားကြလို့
အပိုင်စီးသူတွေကို ပြန်ခုခံတိုက်ခိုက်ကြတဲ့ အတွက် လေယာဉ်လည်းလိုရာမရောက်ဘဲ
ပျက်ကျခဲ့ပါတယ်။ အဲဒီတုန်းက သမတ ဘုရှ်ကိုသူ့ရဲ့
လုံခြုံရေးတွေက Air
Force One ကြီးပေါ်တင်ပြီး
ဘာဖြစ်တယ်ဆိုတာ သေချာသိပြီး အခြေအနေတွေ ရှင်းလင်းတဲ့အထိ လေထဲမှာ ၈ နာရီကြာအောင်
ပျံဲဝနေခဲ့ပါတယ်။ သမတလည်း လေထဲကနေ ဖုန်းနဲ့ စီမံခန့်ခွဲမှုတွေကို
လုပ်ခဲ့တယ်လို့ဆိုပါတယ်။ အဲဒီအချိန်မှာအမေရိကန်တနိုင်ငံလုံးရဲ့လေပိုင်နက်ကိုတော့
ပိတ်ထားပြီး တခြားဘာလေယာဉ်မှ ပျံသန်းခွင့်မပြုပါ။ အဲ ဒီတကြိမ်ကလွဲရင် Air Force One က သမတရဲ့ ခရီးသွား
စီးတော်ယာဉ်အဖြစ်ပဲအသုံးတော်ခံရတာပါ။
သမိုင်းကြောင်း
Guess Where II 1943
အမေရိကန်သမတအတွက်
သီးသန့်လေယာဉ်တွေရဲ့အစဟာ C-87A (Liberator Express) ဆိုတဲ့ အင်ဂျင်လေးလုံးတပ် လေယာဉ်ကြီးလို့ ဆိုရမှာပါ။ Consolidated Aircraft ကုမ္ပဏီကထုတ်တဲ့ serial 41-24159 နဲ့ C-87A လေယာဉ်တစီးကို
၁၉၄၃ ခုမှာ အဲဒီအချိန်က သမတ ဖရင်ကလင် ရုစဗဲရဲ့နိုင်ငံတကာခရီးစဉ်တွေမှာ သုံးဖို့
အထူးပြင်ဆင်မှုတွေလုပ်ပြီး Guess Where II လို့
အမည်ပေးခဲ့ပါတယ်။ ဒါပေမယ့် သမတရဲ့ အထူးလုံခြုံရေးတပ်က C-87A တွေရဲ့ ဘေးကင်းမှုမှတ်တမ်းတွေကို စိတ်မချလို့
ငြင်းပယ်ခဲ့ပါတယ်။
Sacred Cow 1942-45
ဒီလိုနဲ့ C-87A
အစား ဒေါက် ဂလပ်စ် ကုမ္ပဏီကထုတ်တဲ့ C-54 Skymaster
(VC-54C) လေယာဉ်ကို ရေဒီယိုတယ်လီဖုန်း၊ အိပ်ဖို့နေရာနဲ့ သမတရုစဗဲရဲ့
ဘီးတပ်ခုံတက်ဖို့ ဓါတ်လှေကားတွေပါတပ်ပြီး တကယ်သုံးဖြစ်တဲ့ ပထမဆုံး အမေရိကန်သမတစီး
သီးသန့်လေယာဉ်ရယ်လို့ ဖြစ်လာပါတယ်။ Sacred Cow လို့နာမည်ပြောင်ပေးထားတဲ့
အဲဒီလေယာဉ်ကို အမေရိကန်လေတပ်ပြတိုက် National Museum of the United States
Air Force. မှာ ပြထားပါတယ်။ Sacred Cow အကြောင်း အသေးစိပ်နဲ့ ပုံတွေကို ဒီလင့် https://www.nationalmuseum.af.mil/Visit/Museum-Exhibits/Fact-Sheets/Display/Article/195813/douglas-vc-54c-sacred-cow/
မှာကြည့်လို့ရပါတယ်။
Independence 1947-53
၁၉၄၇ ခုနှစ်မှာတော့ သမတ
ထရူးမင်းလက်ထက်မှာ ဒေါက်ဂလပ်စ်ကုမ္ပဏီထုတ် DC-6 Liftmaster (VC-118) လေယာဉ်ကို အမည်ပေးပြီး Sacred Cow
နေရာမှာ အစားထိုးခဲ့ပါတယ်။ လူ၂၄ယောက်စီးနိုင်နဲ့ အဲဒီလေယာဉ်ကိုလည်း အမေရိကန်လေတပ်ပြတိုက် National Museum of the United States
Air Force. မှာတွေ့နိုင်ပါတယ်။ The Independence အကြောင်း အသေးစိပ်နဲ့ ပုံတွေကို ဒီလင့်
https://www.nationalmuseum.af.mil/Visit/Museum-Exhibits/Fact-Sheets/Display/Article/195804/douglas-vc-118-independence/
မှာကြည့်လို့ရပါတယ်။
Columbine II and III and Aero Commanders
သမတ အိုင်စင်ဟောင်ဝါလက်ထက်မှာတော့ Independence အပြင် Columbine
II and Columbine
III လို့ အမည်ပေးထားတဲ့ Lockheed ကုမ္ပဏီထုတ် C-121 Super Constellations (VC-121E) လေယာဉ်
၂စီးကိုလည်းသုံးခဲ့ပါသေးတယ်။
Columbine
III အကြောင်း အသေးစိပ်နဲ့ ပုံတွေကို ဒီလင့် https://www.nationalmuseum.af.mil/Visit/Museum-Exhibits/Fact-Sheets/Display/Article/195805/lockheed-vc-121e-columbine-iii/ မှာကြည့်လို့ရပါတယ်။
Special Air Mission 970 (1959-1962)
သမတ
အိုင်စင်ဟောင်ဝါ လက်ထက်မှာ ၁၉၅၉ ခုမှ ပထမဆုံး သမတစီး ဂျက်လေယာဉ် အဖြစ် Boeing
707-120 ကို SAM 970, ဆိုတဲ့
အမည်နဲ့ Columbine III နေရာကို အစားထိုးလိုက်ပါတယ်။ SAM
970 ကို သမတ အိုင်စင်ဟောင်ဝါ ၊ ကေနဒီ၊
ဂျွန်ဆင် နဲ့ နစ်ဆင်တို့ သုံးခဲ့ကြပါတယ်။ အသေးစိပ်
အချက်အလက်တွေကို https://www.museumofflight.org/aircraft/boeing-vc-137b-707-120sam-970-air-force-one မှာကြည့်နိုင်ပါတယ်။
Special Air Mission 26000 and 27000
၁၉၆၂ သမတ ကနေဒီလက်ထက် မှာ ပိုသစ်တဲ့ Boeing 707 VC-137C လေယာဉ်ကို အစားထိုးပြီး
Special Air Mission SAM 26000 and 27000 လို့
မှတ်ပုံတင်ခဲ့ပါတယ်။ ဒီလေယာဉ်တွေဟာ
SAM 26000 နဲ့ ပတ်သက်တဲ့ အချက်အလက်တွေနဲ့
ဓါတ်ပုံတွေကို https://www.nationalmuseum.af.mil/Visit/Museum-Exhibits/Fact-Sheets/Display/Article/195807/boeing-vc-137c-sam-26000/ မှာတွေ့နိုင်ပါတယ်၊
သမတအတွက် အထူးဒီဇိုင်းတွေနဲ့
ပြင်ဆင်ထားတဲ့ ပထမဆုံး လေယာဉ်တွေလို့ဆိုပါတယ်၊
အပြင်ဘက်မှာလည်းပိုမိုခံညားတဲ့ အပြာနဲ့ အဖြူဆေးရာင်ကိုသုတ်ခဲ့ပါတယ်။
လက်ရှိ Air Force One အဖြစ်အသုံးတော်ခံလေယာဉ်များ (Special Air Mission 28000 and 29000
)(လေတပ်အခေါ် VC-25A)
၁၉၉၀ ခုနှစ် မှာတော့
သတမရဲ့လေတပ်အုပ်စုထဲကို ဘိုးအင်း 747-200B လေယာဉ်
သစ်၂ စီး ရောက်ရှိလာပါတယ်။ အမှတ် 28000 ( ဒီဇင်ဘာ ၈ရက်) နဲ့ 29000 (ဒီဇင်ဘာ ၂၃) တို့ပါ။
ဒီလေယာဉ်ကြီးတွေမှာ F-16 တိုက်လေယာဉ်တွေမှာ သုံးတဲ့ Heads
up Display (HUD)၊ အဆင့်မြင့်ရေဒါစနစ် နဲ့ သူများရေဒါကို
ပိတ်ဆို့တဲ့ စနစ်၊ နျူကလီးယားပေါက်ကွဲမှက
ထွက်ပေါ်လာတဲ့ ရေဒီယို လျှပ်စစ်သံလိုက်လှိုင်း electromagnetic pulse (EMP) တွေဒါဏ်ခံနိုင်အောင် ကွယ်ထားတဲ့ ဆက်သွယ်ရေးစနစ်၊ ရေငုပ်သင်္ဘောတွေနဲ့
ဆက်သွယ်ဖို့ Very Low Frequency (AVLF)ဆက်သွယ်ရေး။
အနားရောက်လာတဲ့ အပူရှာ ဒုံးကျဉ်ကို
မီးကျဉ်တွေဖြန့်ကြဲပြီလမ်းလွှဲကာ ဖေါက်ခွဲပစ်မယ့် ဒုံးကျဉ်ကာကွယ်ရေးစနစ် directed
infrared countermeasures (DIRCM)၊ လေထဲမှာ ဆီဖြည့်တဲ့ စနစ်၊ နဲ့
အခြား လျှိုဝှက်စနစ်တွေပါဝင်လို့ စစ်ဖြစ်လာလျင်
လေထဲမှာပျံသန်းရင်း ကွပ်ကဲ အမိန့်ပေးတဲ့ စခန်းအဖြစ်အသုံးပြုနိုင်ပါတယ်။
အထပ်သုံးထပ်ပါတဲ့ လေယာဉ်ကြီးမှာ
သမတနဲ့ မိသားစုအတွက် ရေချိုးခန်း အိမ်သာ၊ အဝတ်လဲခန်းပါတဲ့ အိပ်ခန်၊း နားနေခန်း
ကွန်ဖရန့် ခန်းမ၊ သမတရုံးခန်း , လျှိ့ဝှက် ထောက်လှမ်းရေးနဲ့ သမတရဲ့ လက်ထောက်
အဖွဲ့များ နဲ့ သတင်း သမားများ နေဖို့ အဆောင်၊ စာသောက်ခန်း၊ ဆေးခန်းနဲ့ ခွဲစိပ်ခန်းငယ်တို့
ပါဝင်ပါတယ်။
ဝန်ထမ်း ၂၆ ယောက် မှာ
လေယာဉ်ဝန်ထမ်းတွေသာမက စားဖိုမှုး၊ ဆရာဝန်၊ သူနာပြုတို့ပါပါဝင်ပါတယ်။
ဒီလေယာဉ်ကြီးတွေ တနာရီပျံတိုင်
ကုန်ကျစားရိတ် ပြည်သူတွေ ပေးထားတဲ့ အခွန်ငွေထဲက ဒေါ်လာတသိန်းရှစ်သောင်း ကုန်ကျတယ်ဆိုပါတယ်။
၂၀၀၁ ခု 9/11 အချိန်တုန်းက သမတ ဘုရှ်က လေယာဉ်ပေါ်ကနေ ဗွီဒီယိုကွန်ဖရန့်လုပ်လို့မရသလို
သတင်းဗွီဒီယိုတွေကိုလည်းကြည့်လို့ မရလို့ အြဒီကိစ္စပြီးပြီးချင်း
လေယာဉ်ပေါ်က ဆက်သွယ်ရေးစနစ်ကို ဒေါ်လာ သန်း ၅၀ အကုန်ခံပြီး အရေးပေါ် အဆင့်
မြှင့်ခဲ့ရပါသေးတယ်။
ဒီလေယာဉ်ကြီးတွေအကြောင်
အသးစိတ်အချက်အလက်တွေကိုတေ့ာ https://www.flightglobal.com/news/articles/usaf-offers-rare-glimpse-of-vc-25b-configurations-450587/
အနာဂတ်ရဲ့ Air Force One.
သက်တန်း ၃၀ကျော်ပြီဖြစ်တဲ့ ဒီ
လေယာဉ်ကြီး ၂စီးကို အစားထိုးဖို့လေတပ်က ပိုကြီးပြီး ပိုခေတ်မှီတဲ့ စနစ်တွေပါတဲ့
ဘိုးအင်းရဲ့ 747-8 ၂စီးကို အော်ဒါလုပ်ထားပါတယ်။ ၂၀၂၄ ဒီဇင်ဘာမှာ
လက်ခံရရှိနိုင်မယ်လို့ မျှော်လင့်ထားပါတယ်။
747-8 ဆိုတာကတော့
ဘိုးအင်းရဲ့ 747 မိသားစုရဲ့ နောက်ဆုံးပေါ်
အဆင့်မြှင့်ထားတဲ့ မော်ဒယ်ပါ။ ဒါေပမယ့် လေကြောင်းလိုင်းတွေက ဒီ 747-8 ခရီးသည်တင်လေယာဉ်တွေ ထပ်မဝယ်တော့ဘဲ ဆီစား ပိုပြီးသက်သာတဲ့
အင် ဂျင် ၂လုံးတပ်လေယာဉ်တွေကို ပြောင်းသုံးနေကြပါပြီ။ ဘိုးအင်းကလည်း အခုနောက်ပိုင်းမှာ
747-8 ကို ကုန်တင်လေယာဉ်တွေပဲ အသစ်ထုတ်တော့တာပါ။
ဒီလေယာဉ်ကြီး ၂စီးကိုတော့ ရုရှားက Transaero, လေကြောင်းလိုင်းအတွက်ဆောက်ထားခဲ့တာပါ။ လက်လွှဲမပေးနိုင်မီ
၂၀၁၅ မှာအဲဒီလေကြောင်းလိုင်း ဒေဝါလီခံသွားလို့ ပိုက်မိနေတဲ့ ဒီလေယာဉ်ကြီး ၂စီးကို လေတပ်ကို
ရောင်းတဲ့အခါ အသစ်အော်ဒါမှာတာထက် ၁.၄ ဘီလီယံ ဈေးသက်သာသွားတယ်ဆိုပါတယ်။
လက်ရှိ အမေရိကန်သမတ ဒေါ်နယ်ထရမ့်
တက်ကာစ ၂၀၁၆ ခုတုန်းက Air
Force One အသစ်အော်ဒါတွေကို
စားရိတ်ကြီးလို့ ရပ်ဆိုင်းထားမယ်လို့ ပြောခဲ့ဖူးပါတယ်။ ပြီးခဲ့တဲ့ အပတ်ကတော့
အဲဒီလေယာဉ်၂စီးကို ဝယ်ဖို့ ဒေါ်လာ ၃.၉ ဘီလီယံနဲ့ အတည်ပြုပေးခဲ့တယ်ဆိုပါတယ်။ ထရမ့်က
လက်ရှိ ဆေး ရောင်နဲ့ဒီဇိုင်းကို ပြောင်းပြီး ပိုပြီး အမေရိကန်ဆန်တဲ့ အပြာရင့်
ဝမ်းဘိုက်နဲ့ အနီ အဖြူစင်းတွေပါတဲ့ သူ့ရဲ့ မျိုးချစ် အမေရိကန်ဒီဇိုင်း သစ်ကို အေဘီစီ သတင်းထောက်ကိုပြခဲ့ပါသေးတယ်။ အမေရိကန်အလံကအရောင်တွေကို
အခြေခံထားတဲ့ ဒီဇိုင်းပါ။ အရင်က
ယူအက်စ်အဲယားဝေးလေကြောင်း ကလေယာဉ်ပုံစံ သွားတူနေတယ်လို့
ဝေဘန်သူတွေကဆိုကြပါတယ်။
ရက်ပိုင်းအကြာမှာ လွှတ်တော်က အဲဒီလို ဆေး အသစ်ပြာင်းသုတ်မယ့် အစီအစဉ်ကို အပိုစားရိတ်ကိုချွေတာဖို့ အကြောင်းပြပြီး ပယ်ချလိုက်ပါတယ်။ ၂၀၁၄ မှာ Air Force One.ဖြစ်လာမယ့်လေယာဉ်ကြီးတွေကို ဘယ်လိုပုံစံနဲ့ တွေ့ရမယ်ဆိုတာကိုတော့ စောင့်ကြည့်ရဦးမှာပါ။
18-06-19
ကိုးကား
https://www.flightglobal.com/news/articles/usaf-offers-rare-glimpse-of-vc-25b-configurations-450587/
No comments:
Post a Comment